الثلاثاء، ٧ أكتوبر ٢٠٠٨

اعتقال 3 طلاب منن داخل الحرم الجامعي لجامعة الفيوم

في سابقة هي الأولى من نوعها هذا العام في جامعة الفيوم قامت مجموعة من أمن الدولة وأمن الكليات وعلى رأسهم الكابن على جبر قائد حرس كلية دار العلوم بمهاجمة مجموعة من طلاب كلية دار العلوم داخل الحرم الجامعي بين مبنيي كلية دار العلوم والمدينة الجامعية

وفوجئ الطلاب برجال الأمن يهرولون نحوهم في عد كبير مما أزهل الطلاب

واستمر الأمن في مطاردتهم داخل الحرم الجامعي حتى ألقى القبض على ثلاثة منهم واقتادهم في سيارتين ملاكي إلى مقر مباحث أمن الدولة بالفيوم


الطلاب لم يكن بحوزتهم سوى مجموعة من الجداول الدراسية ولوحات ورقية للترحيب بالطلاب الجدد ولا تحمل أي شعارات أخرى

والطلاب الثلاثة من كلية دار العلوم ، وهم :

-- محمد هاشم محمود الطالب بالفرقة الثالثة

-- البراء عبد الرحمن أحمد الطالب بالفرقة الثالثة

-- محمد محمدين محمد الطالب بالفرقة الثالثة

جدير بالذكر أن هذه ليست هي الواقعة الأولى التي يختطف فيها الطلبة من جامعة الفيوم. حيث شهد العام الماضي وحده 13حالة لاختطاف الطلاب من الجامعة ومن أمامها ومن المنازل

الخميس، ٢ أكتوبر ٢٠٠٨

عيد مش سعيد ولا شافه



معلش بقى أصلي ولد متشائم أوي والدنيا شايفها بنظارة نظر وسوده كمان يعني مش عارف لها ملامح أصلا
الأول كل سنة وانتم طيبين والعيد عليكم بخير وعساكم من عوادة
امبارح كان أول أيام عيد الفطر المبارك بلاش المبارك دي عيد الفطر وبس
المهم في ناس عيدت وفرحت وهيصت واتفسحت واتأنتكت
وفي ناس اتبهدلت واتشحطتت واتفحشرت (مش معناها دي )

العيد السنادي معايا كان مختلف تمام الإختلاف

بدأت الحكاية منذ ليلة العيد فبعد صلاة العشاء بقليل وأثناء وقوف ممدوح رشاد جودة(حوالى 24 سنة ) ومحمد عبدالمجيد خالد (حوالي24 سنة) في الشارع الرئيسي ببلدتنا قام احمد عيد (امين شرطة أمن دولة ) بالقبض عليهما واحتجازهما في نقطة الشرطة وبعدها حضر ضابط المن الدولة وضابط المباحث بنفسيهما واقتادوهما إلى مقر المركز
وكانت دي خير بداية للعيد عندنا
طبعا احنا وقفنا شويه قدام نقطة الشرطة قبل ما ياخدوهم للمركز ولكن ...... ولا بلاش اتكلم احسن
طبعا الإتنين اللي اعتقلوا اتقبض عليهم وبحيازتهم مجموعة من المنشورات النمحرضة على زعزعة امن الدولة بالقرية وتهديد استقرار الأمن واستتبابه ودي كانت عبارة عن كابات ورقية للأطفال (جمع كاب واللي مش عارفه مش لازم )مكتوب عليها تقبل الله منا ومنكم وعيد سعيد وحاجات زي دي يعني
وانتهت ليلة العيد بالنسبة لي في اتلساعة واحدة وشوية كده وكنت هموت من النعاس وعينيا كانت مولعة نار
المهم نمت ومصحيتش الفجر ولكن صحيت حوالي الساعة خمسه وربع صليت واتصلت باحد الأخوة اللي هيرافقوني الى المصلى
طبعا نسيت أقولكم إن الاتنين اللي اعتقلوا كان المفروض انهم هيوزعوا الكابات دي على الأطفال اللي ماشيين للمصلى ولما اعتقلوا اختاروا اتنين غيرهم وبقيت انا بديل لأحدهما وكمان زودنا الكمية أكتر عن اللي كانوا هما هيوزعوه ( احنا منجيش بالعافية أبدا ودماغنا ناشفه أوي)
والحمد لله ادينا المهمة المطلوبة دون اي عوائق او تدخل من اي حد (هو حد يقدر يقرب أصلا مادامت انا موجود )
وبعد أداء الصلاة طلبوا مني اني اذهب مع بعض الأخوة الآخرين لمقر النيابة العامة في انتظار الأخين المعتقلين وعرضهم على النيابة
وكده كملت الحكاية واصبح العيد سعيد بما فيه الكفاية وقضيت العيد كله قدام النيابة مستني عرض الأخوة عليها ومستني قرار النيابة
اصل البيه مدير النيابة لسه دا أول يوم يستلم فيه شغل في المركز ده وبالتالي مش عارف اي حاجه وشكله كمان أول قضية أمن دولة يمسكها فالراجل كان خايف ومرعوب وبي؟أخر في المحاضر المعروضة عليه
وعشان خاطر حضرته قعدنا من الصباح الباكر حتى قبيل غروب الشمس (بالفصحى) ولازلنا في فى انتظار سيادته
وكما حكى لنا المحامي فإن سيادته المفشخره جاء له اتصال تليفوني من رئيس النيابة وهو في مجمع المحاكم بالفيوم وسأله عن الموضوع وما تم فيه فقاله ياباشا أن حققت مع واحد ولسه هدخل التاني ... ماشي ياباشا ... اثبت اتصال سيادة المسنتشار في المحضر ، طبعا ده غباء منقطع النظير لما هو بياخد الأوامر والمحامين موجودين قدامه وكمان بيطلب من رئيسه انه يثبت الإتصال دا العملية بقت بالمفتشر أوي
وأخيرا اصدر القرار بعرض الاثنين المعتقلين في صباح اليوم التالي على سيادة رئيس النيابة بالفيوم وبعدها قال ان العرض هيكون عليه هو تاني ولكن سيأتي الحكم التليفون (قمة البجاحة يأخي ) وغادرنا النيابة للمنازلنا بشوية خفوف من حنين (مش بخف واحد ) وده كان قبل المغرب بحوالي ساهة تقريبا ووصلت بلدتنا منهكا أكاد أموت جوعا ونعاساً وبعد ما ملئت كرشي جيدا بالطعام أسلمت نفسي لبارئها وده كان قبل صلاة العشاء ولم أصحو من النوم إلا على أذان الفجر وكان يوما شاقاً غريباً عجيباً لم أمر بمثله من قبل
ولكن أرى أن ليل الظالمين أوشط على الإنكشاع وفجر الكتائب قد لاح بعد صاح الديك الصيّاح
بس إحنا نحلم